請恕我老套，一直我都無上 instagram。我又唔鍾意睇人曬命，而我自己嘅生活，又平淡到一個點，真係曬乾都不留一點痕跡。
但早幾日有個新嘅覺悟。話說，同事 share 一張 screen cap 畀我，係一條立場新聞嘅 post，重點係呢條 post 係 Instagram 上面 。
「乜料呀？上 Instagram 睇新聞⋯⋯」係，我認，我同時代脫節到一個點，竟然仲玩 Facebook。畢竟，數據反映，我嘅讀者群傾向成熟少少。但上 Instagram 睇新聞，我覺得下一代有希望呀（下一代講講吓都三張嘢）。
題外話，既然我嘅讀者群傾向成熟少少，咁我係咪要上 Youtube 呢？大家如果有留意，近來我都間中客串吓湛國揚嘅 #彌敦道 https://buff.ly/3niLVQL ，但自己開頻道呢，暫時無呢個諗法。
返正題，其實我都仍然好抗拒用 Instagram ；原因係我唔鍾意佢個 UI 。同埋，Instagram 競爭太大喇，咁多靚仔靚女，我唔夠佢哋鬥；人貴自知嘛。
不過，有一樣嘢我覺得自己係獨步江湖，就係以廣東話夾少少英文寫嘅 long-form prosaic （用英文名詞，即刻唔同晒）。所以，廣告時間，大家如果有興趣加入我相信係香港罕有嘅高質讀者群，可以去我嘅自家平台 unsubject.me 又或者 Patreon https://www.patreon.com/LeeSimon
Search